أهلاً وسهلاً، زائر! [ تسجيل | الدخول

اضافة اعلان جديد مجاناً

كيفية إصدار كردت او دبت كارت فيزا او ماستر في العراق

منوعات 2015-08-22

أصبح إمتلاك البطاقات الإئتمانية من الضرورات في الحياة وخاصتاً للأشخاص كثيري السفر او مستخدمي الإنترنت حيث ان بطاقات الإئتمان غالباً ما تكون الوسيلة الوحيدة للدفع عبر الإنترنت.

ثقافة بطاقات الإئتمان غير شائعة في العراق ولكنها بدأت مؤخراً بالإنتشار ويتسائل الكثير عن كيفية إصدار بطاقات الكردت كارت (فيزا كارت) او (ماستر كارد).

ماهو الفرق بين بطاقات الإئتمان من نوع كردت كارت او دبت كارت؟

بإختصار فأن الكردت كارد يسمح لك سحب كمية من المال حتى لو كان رصيدك “صفر” حيث ان البنك او المصرف سيقوم بتغطية (الشراء بالسالب) بشرط ارجاع المال خلال فترة معينة او انه سيقوم بإضافة الفائدة على المبلغ المسحوب في حال التأخر بالتسديد, اما الدبت كارت فهو بإختصار رصيدك في المصرف فلايمكنك ان تسحب مبلغ اكثر من الذي تملكه, هناك نقطة اخرى وهي ان بسبب ان الدبت كارت يقوم بسحب المال مباشرتاً من رصيدك في المصرف فأنه يعمل بالأساس على خدمة الإنترنت وفي حال كنت على متن طائرة على سبيل المثال فان الطاقم لن يقبل منك الدبت كارت للشراء على متنها اذا كانت الطائرة لاتوفر خدمة الإنترنت حيث انه ليس بالإمكان التأكد اذا كنت تملك رصيد في حسابك على عكس الكردت كارت فهو موثوق أكثر لان في حال عدم وجود رصيد فالبنك دائماً سيدفع ماتم سحبه من المال.

هل الكردت كارت او الدبت كارت آمن

نعم بالتأكيد فلاداعي للتخوف لان معظم البنوك الجيدة توفر خدمات تعقب مباشر للتحويلات المالية التي تتم عبر بطاقات الإئتمان وعلى سبيل المثال أرسال رسالة نصية الى جوالك في كل مرة تقوم بإستخدام بطاقتك. اما بالنسبة للإنترنت فيوصى بالشراء من المواقع العالمية المعروفة كما وانه من الضروري ان يكون الموقع يعمل بتقنية النقل المشفر (https) حتى لايتم التعرض الجانبي لمعلومات البطاقة اثناء الدفع, كما يجدر بالذكر ايضاً ان الكردت او الدبت كارت ليس بالضروري ان يكون مربوط بحسابك المصرفي مباشرتاً ويمكن ان يكون مفصول ومحدد برصيد تختاره انت.

كيفية إصدار الكردت كارت (فيزا او ماستر كارت) في العراق

مثل باقي الدول فان الحصول على هذه البطاقات يكون من خلال البنوك والمصارف الحكومية او الأهلية, نحن نوصي بـ المصرف العراقي للتجارة Trade Bank of Iraq حيث إن البطاقات الصادرة من هذا المصرف الحكومي مجربة وتعمل من خلال تجربة شخصية في جميع الدول ومواقع الإنترنت ولكن هناك بعض النقاط السلبية في هذا المصرف ومنها طلب مبلغ تأمين عالي نسيباً عند الإصدار حتى على بطاقات الدبت كارت, كما وان اذا كان حسابك بالدينار العراقي فإن تكلفة التحويل من الدولار او العمل الاخرى عند الشراء مرتفعة جداً مقارنتاً بسعر الصرف الحقيقي لهذه العملة حيث يفضل ان يكون حسابك بالدولار الأمريكي حتى تتجاوز هذه المشكلة.

من المصارف الجيدة الآخرى هو مصرف بغداد حيث ان تكلفة إصدار البطاقة أقل بالإضافة الى توفير منصة الكترونية لمتابعة عمليات التحويل المالية.

مصارف وبنوك اخرى عديدة ورصينة في العراق تقدم خدمة بطاقات الإتمان ولكن فقط تعرف على المميزات التي يقدموها وتأكد من أشخاص تعرفهم جربوا هذه البطاقات من قبل.

هل خدمة بي-بال (PayPal) تعمل في العراق

بي-بال هي خدمة آمنة جداً تحول بطاقتك الإئتمانية الى (اسم دخول وكلمة مرور) شبيهة بخدمة البريد الاكتروني ومدعومة في معظم المواقع الإلكترونية على الانترنت ولكن للأسف لازالت هذه الخدمة لاتدعم بطاقات الإئتمان العراقية ولكن نتمنى أن يكون هذا الدعم قريباً حيث قامت “بي-بال” مؤخراً بدعم العديد من دول الشرق الأوسط وشمال أفريقا.



ردود 79 الى “كيفية إصدار كردت او دبت كارت فيزا او ماستر في العراق”

  1. يعني من اروح للمصرف شرط يكون عندي رصيد بلمصرف. وشكد كلفة اصدارها

    • نعم يجب ان تملك حساب بس الرصيد مو ضروري بنفس الحساب اذا كان المصرف العراقي للتجارة .. لان الدبت كارد مفصول عن الحساب وتكلفة الاصدار اعتقد بين ١٠٠ الى ٢٠٠ دولار … وهناك مبلغ تأمينات ٢٥٠ الف …. وبعدين تكدر تخلي اي رصيد بهذا الدبت

    • السلام عليكم
      اخي هل استطيع سحب اموال عن طريق البطاقة من موقع الكتروني عبر العمل من الانترنيت ؟
      كم مبلغ الايداع لفتح حساب بالمصرف لاخراج بطاقة ؟

    • اني اريد استعمل برنامج ExpertOptin والفيزا كارد والماستر كارد لازم تدعم برنامج PayPal اني من بغداد بيا شركة يتوفر هالشي ارجو الرد

      • ماكوشي يفيدك بالعراق واذا اشتغل يوكف ورة فتره … لازم حساب وبطاقة مفعلة من الخارج

  2. هل هناك بطاقة صادرة من مصارف العراق يكون اسم صاحب البطاقة مطبوع على البطاقة لاني راجعت مصرف التنمية وشركة الكبيسي ويصرفون البطاقة بدون اسم ولكن يصرفون وصل شراء للبطافة
    هل هذا الإجراء صحيح او اكو شي غلط

    • اكيد اغلب المصارف الرصينة تضع اسمك على الكارت … راجع المصرف العراقي للتجارة TBI

  3. اكيد اغلب المصارف الرصينة تضع اسمك على الكارت … راجع المصرف العراقي للتجارة TBI

  4. هل هناك اي طريقة للحصول على الفيزا كارد في العراق

  5. هل TRAVEL CARD تحمل نفس مواصفات الكردت عندنا في العراق …. و هل يمكن تفعيلها على جوجل !!؟ و شكراً

    • ماانصحك بهذا النوع راح يسويلك مشاكل بالتسجيل … يفضل استخدام الكردت الخاص الصادر من البنك والمسجل باسمك.

  6. اكو كثير طرق على اليوتيوب لربط الماستر كارد ب الباي بال
    هل هذي الطرق مضمونة لو ينغلق الحساب.
    هل هنالك طريقة لاستلام المال من قناة اليوتيوب او غيرها من شركات الانترنت في العراق. مع جزيل الشكر

  7. Haydar öztürk في 2016-06-19 @ 4:31 صباحًا

    السلام عليكم ورحمة الله وبركاته
    أخي الكريم.. .
    تذهب إلى البنك او المصارف الاهليه التي تدعم اصدار
    الفيزا كارد.. تحظر معك جواز سفر فقط
    وتعطي للموظف لكي يصدر لك البطاقه
    والمبلغ 100$ …
    30$ عمولة البنك
    70$ في رصيدك
    وشكراً لكم.. اخوكم حيدر اوزتورك

  8. كرار ليث في 2016-07-19 @ 5:34 مساءً

    اخي العزيز اصدار بطاقات الائتمان في النصرف بغداد فقط ماكو بالمحافظات الاخرى مثل الديوانيه؟؟؟؟؟

  9. اذا تم استخراج كردت كارد او فيزا كارد وتم سحب المبلغ من الدول الاوربية كم نسبة الاستقطاع وايهما انسب ماستر كارد او فيزا كارد بالعلمية يعني العلمية اشبه بعملية تحويل ؟

    • يعتمد على الدولة والمصرف الي يقدم خدمة الـ ATM … بالاضافة الى فرق تحويل العملة اذا جنت تسحب العملة المحلية مال بلد, بس اذا جنت دتدفع لمطعم او تشتري شغلة من سوبرماركت او ستور او انترنت … ماكو اي استقطاع بس اذا تسحب كاش يصير الاستقطاع …. عموما الفيزا منتشر ومرغوب اكثر من الماستر كارد.

  10. مرحبا…..
    اود الاستعلام عن الفرق بين. الفيزا كارد الفضية والذهبية وتكلفة اصدار كل منهما لطفآ
    هل عندكم منشورات تشرح تفاصيل العمل لكل وحده منهما
    وهل تتوفر في المصارف العراقيه. كردت كارد.؟

    شكرآ جزيلآ…….

  11. أخوان مساء الخير.شلون الالية لعمل بطاقة فيزا كارت.شنو المستمسكات المطلوبة.والمكان وين صاير بالضبط؟ لان اني خارج العراق.هل بالامكان شخص عني يمشي بيها .وجزاكم الله هير الجزاء
    مع تحياتي

  12. Raad shakir في 2016-08-13 @ 1:52 مساءً

    السلام عليكم
    هل بالامكان تحويل مبلغ باليورو الى جامعة في البرتغال مع العلم ان عنوان المصرف العائد للجامعة متوفر لي
    مع الشكر

  13. اكو بطاقة تدعم الربح من الانترنت يعني من تحولي الشركة اكدر استلم نقدي عن طريق الصراف الالي ؟

    • تكدر انه شخص يحول لحسابك بالمصرف .. بعدين تربط الكارد بحسابك … بهاي الطريقة تكدر تسحب عن طريق الصراف الالي … بس اكيد عمليات التحويل بيها تكلفة نسبية

  14. العراقيين واحد يقلد
    محاولة لتقليد موقع اخر حتى بالمواضيع

  15. عندي بطاقة ماستركارد صادرة من مصرف التنمية الدولي اذا اريد اسحب رصيدي من البطاقة مثلا اكدر اسحب من اي مصرف موجود بي صراف الي لو الا المصرف الي انا مستلم منه البطاقة

    • اي تكدر من اي جهاز صراف الي … بس اذا تابع لغير مصرف راح ياخذون منك مبلغ بسيط من تسحب … بينما اذا نفس المصرف مراح يكصون اي شي منك

  16. حسين حميد في 2016-09-14 @ 4:04 مساءً

    السلام عليكم
    هل يوجد مصرف في الكوت يصدر فيزا كارد؟

  17. وليد خالد في 2016-09-18 @ 12:26 صباحًا

    اي نوع من البطاقة يمكني من استلام النقود من الانترنيت
    كأن تكون يا نصيب او قناة اليوتيوب او غيرها ؟؟

    • ماتحتاج بطاقة … تحتاج حساب عادي بالبنك (يفضل بالدولار) يحولولك عليه المبالغ الي حصلتها وتروح تسحبها من البنك.

  18. السلام عليكم
    ارجو اعلامي في حالة لدي (Visa Card) من احد المصارف العالمية في أوربا … واريد اسحب من مكائن الصراف الآلي لمصرف بغداد … ماهي حدود او مبلغ السحب اليومي لعملة الدينار العراقي من ATM … وهل بالأمكان السحب بعملة البطاقة (US $) من الATM في العراق
    مع الشكر

  19. اضافة لسؤالي اعلاه …. ماهي العمولات المتترتية على السحب النقدي cash من أجهزة الصراف لمصرف بغداد

  20. هل یوجد بزاخو او دهوك اريد اسوي كريدت كارد بس أذا ممكن تگولون لي اروح يا بنك بكوردستان اقرب لي وشنو هيه الشروطهم

  21. مرحبا .. اريد اسوي فيزا كارد … بس شلون اتبضع بيها من المواقع العالميه في امريكا او كوريا .. مثلا اشتري اون لاين اي شغله كيف توصل للعراق ع اي عنوان

  22. سلام عليكم اني عندي فيزا كارد الذهبي و بعدلي سنه حدما يخلص و لازم اجدده شكد تكلفه تجديد الكارد كامل ؟ اني ماخذته من المصرف العراقي

  23. السلام عليكم.
    موقع بايزا الالكتروني يدعم البطاقات العراقية؟

  24. السلام عليكم شلون اكدر اسوي paypal بالعراق

    • قبل جانت تصير بالصدفة.. هسة صار الجيك قوي وماتكدر الا اذا جان الكارت جايبة من مكان خارج العراق يدعم بي بال بصورة رسمية

  25. هل المصرف العراقي للتجارة تابع للسيد المالكي حتي اكون مرتاح من اخلي اموالي بيها لان هو عنده هوايه دولار و ما يرادله نخاف من افلاس البنك

  26. عيني اني عندي أموال بحساب بأي بال اكدر اخذهن من بنك أو احولهن بنك في الديوانيه

  27. علي محمد في 2017-02-15 @ 5:59 مساءً

    السلام عليكم
    أني موظف وفِي بعض الأحيان ينفذ راتبي قبل نهاية الشهر
    فهل يمكنني إصدار بطاقة كردت كارد بعملة الدينار العراقي واستخدمها داخل العراق فقط وبحد 500،000 خمسمائة الف دينار كحد اعلى
    ويكون تسديدي للمبالغ المسحوبة نهاية الشهر عند استلامي للراتب
    أين استطيع إصدار مثل هذه البطاقة ؟
    وكم سعرها ؟
    وماهي المستمسكات والضمانات المطلوبة ؟

    • وعليكم السلام اخ علي محمد
      لدينا هذه الخدمة ارجو زيارة مصرف جيهان فرع البصرة / 07705657080

  28. السلام عليكم
    انا موظف في مصرف جيهان العراقي للأستثمار والتمويل الاسلامي لدينا خدمة الماستر كارد العالمية ولدينا تعامل مباشر مع الشركة الام .ونصدر بطاقات الماستر كارد بانواعها الستاندرد والكولد والبلاتينيوم والتيتانيوم ولدينا بطاقات الكفت كارد العامة والتي تستطيع اعادة شحنها والتسوق عبر الانترنت والسحب من ال ATM وال POS علما ان جميع بطاقات الدبت بدون مبلغ تأميني ولدينا بالعملتين الدينار والدولار / مصرف جيهان فرع البصرة 07705657080 زيارتكم تسرنا

    • الاخ القدير علي : أود معرفة قيمة اصدار الكردت كارد بأنواعه الذهبي أو البلاتيني أو غيره ، وكم يبلغ الحد الأدنى للأيداع والنسبة التي يستقطعها المصرف عند السحب أو التبضع من المتاجر ، وهل هنالك حوافز أو نقاط تضاف أو جوائز تقدم كما تفعل شركات فيزا كارد وماستر كارد ، وفي حالة ايداعي لمبلغ ما ولم اقوم بالشراء أو السحب لمدة سنة مثلاً فهل استطيع استعادة اموالي ، اتمنى التوضيح لأن هذه الخدمه لا تزال مبهمة لدى أغلب العراقيين وإذا كانت لديكم أن معلومات أو موقع ارجوا كتابة الرابط ليتسنى للناس معرفتها والاستفادة والتشجيع عليها ،ولك التقدير

    • ضياء الغريري في 2020-03-17 @ 12:17 مساءً

      سلام عليكم اخي اريد كردت كارد توجد لديكم وكم سعرها اريدها دولار ليس بالدينار

  29. سلام عليكم!
    اني زائر بالعراق و محتاج الفلوس ضروري
    هل اقدر اسحب من visa cart في بغداد؟
    اذا نعم اين ؟

    تحياتي
    عباس

    • المفروض تكدر من هواية بنوك او بالمولات … بس حسب الي اعرفة تستلم الفلوس بالدينار العراقي

  30. اريد اسوي بطاقه فيزا كارد يعني اسحب منها اموال وارسل اموال خارج العراق كيف يتم واي شركه تدعم هاي الخدمه واي نوعيه بطاقه اشتري

  31. منتظر عبد الكريم في 2017-05-08 @ 9:47 صباحًا

    السلام عليكم شنو المستمسكات المطلوبه لاصدار الفيزا كارد

  32. عبدالله نجم في 2017-06-11 @ 4:12 مساءً

    السلام عليكم اخوي
    اني ماعرف شي او الاصح خبرتي قليله بهل مجال
    اني اشتقل واستلم مبلغ تقريبا ٥٠ الف كل اسبوع
    واريد احتفظ بيهن بالبنك وكل اسبوع او ١٠ ايام
    ارسل هل مبلغ بالبنك يعني اخلي فلوسي بالبنك علمود ما اصرفهن ويمته ما احتاجهن اروح اجيبهن
    شنو تنصحني من بطاقه او مصرف اني بالبصره

    😔

  33. بسام الانصاري في 2017-08-11 @ 10:47 صباحًا

    السلام عليكم ورحمة الله وبركاته
    ممكن مساعدة عندي رصيد في الباي بال شلون اكدر اسحب هذا الرصيد عن ياطريق تنصحوني بيه يعني اريده كاش مني

  34. احمد علي في 2017-08-25 @ 9:11 صباحًا

    السلام عليكم اخوان
    عندي حساب بالخارج واريد احول دولار منه لحساب بالعراق يعني اونلاين…. باي مصرف ممكن اسوي هيج حساب
    و شكرا

  35. عندي فيزا كارد اصدرتها من مصرف بارودا الهندي وفعال لعام 2019 , وبيها باقي شي بسيط , ممكن افعلها على حساب هنا عراقي ؟

  36. السلام عليكم
    اخي هل استطيع سحب اموال عن طريق البطاقة من موقع الكتروني عبر العمل من الانترنيت ؟
    كم مبلغ الايداع لفتح حساب بالمصرف لاخراج بطاقة ؟

  37. اخي اني بالسماوة وماعرف شسوي يعني المستمسكات شنو اخذهن ثاني شي شكد ياخذوني مني فلوس ثالث شي الازم عندي حساب سابقا ارجو رد

  38. لا تعليق

  39. اعجبني

  40. ابراهيم في 2018-03-02 @ 3:23 صباحًا

    السلام عليكم اريد اعرف يا بطاقه اكدر اسحب بيهه ربحي من الانترنت الفيزه كارد ماستر كارد او بطاقه اخرى وشكرا

  41. تحية طيبة..
    طبعا اعتذر قد يكون السؤال مكرر لأن ما منتبه على كل اسألة الاخوة واجوبتكم عليها..
    سؤالي:

    لو فرضا حبيت اتعامل مع بعض المواقع العالمية لغاية التجارة كأمازون مثلا أو غيرها من المواقع التجارية.. هل من الممكن الحصول حساب بنكي يمكنني من (السحب والايداع) معاً بواسطة هذا الحساب خارج العراق..؟؟

    حبيت اعرف الفرق بين (الماستر كارد والباي بال والفيزا كارد والبايونير) .. كل واحد شنو فرقة عن الثاني..

    تحياتي وعذرا على الإطالة

  42. اخي الكريم هل جميع البطاقات الائتمانية في العراق قابل للشراء والسحب من الانترنيت ان لم يكن من البنك اقصد ممكن معلومات

  43. اخي اني جنت في روسيا وعندي فيزا كارد بالدولار وبالعملة الروسية اكدر افعلهه هنا يالعراق…

  44. انا عندی حساب باي بال الأردن أقدر أشغل فيزا كارد العراق عليه وشكرا

  45. هل لدینا بانك اسلامی لأننا نعلم ان رباء حرام

  46. هل يمكن ان اسال عن غيزا كارت اصدرث حديثا باسمي من موقع الكتروني

  47. هل ممكن السؤال عنviza cart اصدرت باسمي ديثا من احد المواقع الالكتروني

أضف رد لـ حميد حسين

مقالات رائجة

  • اسعار اشتراكات انترنت سوبرسيل

    بواسطة في 2024-01-07 - 0 تعليقات

    اسعار اشتركات الانترنت من شبكة سوبرسيل تقدم شبكة سوبرسيل حلول الألياف البصرية المصممة خصيصًا للمنازل والمباني متعددة السكان. تتصل هذه الشبكات مباشرة بكل منزل أو مبنى، موفرةً إنترنت عالي السرعة يصل إلى 100 ميغابت في الثانية، بالإضافة إلى أمان وسرعة استجابة عالية.

  • اسعار اشتراكات المشروع الوطني للانترنت ف...

    بواسطة في 2024-01-07 - 0 تعليقات

    اعزائنا زوار موقع شراي الكرام، اليكم اخر تحديث لاسعار الاشتراكات الشهرية للمشروع الوطني للانترنت بطاقة تعبئة بقيمة 45,000 من الوطني للانترنت لخدمة الكيبل الضوئي FTTH IQD 45٬000

  • الروابط الرسمية لحجز الدولار للمسافرين ف...

    بواسطة في 2023-11-03 - 0 تعليقات

    الآن أصبح بإمكان المواطنين حجز المبلغ المخصص للسفر عبر الإنترنت، والذي يبلغ 3000 دولار أمريكي، وذلك بسعر صرف رسمي قدره 1320 دينار عراقي. يمكن إتمام هذه العملية من خلال الروابط الرسمية التالية. يُرجى العلم بأن وقت الحجز متاح من الساعة 5 مساءً حتى الساعة 7 مساءً. ننوه بأنه قد تواجهون بعض الصعوبات في الوصول إلى […]

  • استمارة الجواز الالكتروني العراقي الجديد...

    بواسطة في 2023-03-19 - تعليق واحد

    تم الإعلان مؤخراً عن إطلاق وزارة الداخلية العراقية للجواز الإلكتروني الجديد من خلال تطبيق خاص به. ويُمكّن هذا التطبيق جميع المواطنين العراقيين من التقدم للحصول على جواز السفر الإلكتروني بكل سهولة. وفي إحدى تصريحاته، أعلن وزير الداخلية عبد الأمير الشمري أن جواز السفر الإلكتروني سيتم إطلاقه في بغداد كمرحلة أولى في الشهر المقبل، وفي خمس […]

  • ماهو اشتراك الانترنت المدعوم في العراق

    بواسطة في 2023-02-01 - التعليقات 2

    بالتعاون مع وزارة الاتصالات العراقية يطلق الاشتراك المدعوم وبالمميزات التالية: باقة مجانية بسرعة غير محدودة: 10 گيگابايت “مجانية” غير محدودة السرعة لكل عائلة عراقية، تحصل عليها عند تفعيل الاشتراك المدعوم من الوكيل المعتمد، يتم تجديدها كل 30 يوماً. اشتراك بسرعة غير محدودة: 100 گيگابايت غير محدودة السرعة بـمبلغ “15,000” د.ع، يتم تفعيلها عند طلب الاشتراك […]